Արևային ֆոտովոլտային կայան ՀԱՊՀ Գյումրու մասնաճյուղում

ՀԱՊՀ Գյումրու մասնաճյուղի վերանորոգման աշխատանքներին զուգընթաց տեղադրվում էր  նաև արևային ֆոտովոլտային կայան, որն այսօր միացվեց  բաշխիչ ցանցին և  շահագործման հանձնվեց։

Հիշեցնենք, որ Հայաստանի վերականգնվող էներգետիկայի, էներգախնայողության հիմնադրամի և ՀԱՊՀ հիմնադրամի համագործակցության արդյունքում մասնաշենքի տանիքին տեղադրվել է 50 կՎտ դրվածքային հզորությամբ  արևային ֆոտովոլտային կայան։

Կայանը կապահովի կայուն, անկախ և անվճար էներգիա, որը կապահովի  տարեկան շուրջ 3.700.00 մլն ՀՀ դրամի խնայողություն և  շուրջ 30 տոննայով կնվազեցնի  CO2 գազի արտանետումները։ 

Կայանի կառուցումն իրականացվել  է Armenia Renewable Resources and Energy Efficiency  Fund - R2E2` Հայաստանի   վերականգնվող էներգետիկայի և էներգախնայողության հիմնադրամի աջակցությամբ։