Շահբազյան Վահագն

Վահագն Վարդանի Շահբազյան

Գիտական աստիճանը և կոչումը – տ.գ.թ., դոցենտ
Ծննդյան տարեթիվը, ամիսը, օրը –1946թ. սեպտեմբերի 16

Ծնվել է Լենինական քաղաքում, ծառայողի ընտանիքում:

1953-1964թթ. սովորել է Լենինականի թիվ 23 և թիվ 2 դպրոցներում:

1964թ. ընդունվել է  Երևանի Կ.Մարքսի անվան պոլիտեխնիկական ինստիտուտի

Լենինականի մասնաճյուղի տեխնոլոգիական ֆակուլտետի առաջին կուրս, որը ավարտել է 1969թ. և նշանակվել նույն մասնաճյուղում, որպես ասիստենտ:

1972թ. դեկտեմբերին ընդունվել է Մոսկվայի տեքստիլ ինստիտուտի ասպիրանտուրան «Նյութագիտություն» մասնագիտությամբ:

1976թ. հունվարին պաշտպանել է թեկնածուական ատենախոսություն, ստացել է տեխնիկական գիտությունների թեկնածուի գիտական աստիճան: Ատենախոսությունը վերաբերվում էր արտադրանքի որակի կառավարման, հսկման եղանակներին և գնահատման մեթոդներին:

1976թ. հունվարից աշխատել է Լենինականի մասնաճյուղի «Տեքստիլ և թեթև արդյունաբերության տեխնոլոգիա» ամբիոնում, որպես ասիստենտ:

1976թ. սեպտեմբերից աշխատել է նույն ամբիոնում, որպես ավագ դասախոս, (ընտրվել է մրցույթով):

1977թ. հունիսին  շնորհվել է դոցենտի կոչում: Նույն թվականի հուլիս ամսին մրցույթով ընտրվել է «Տեքստիլ և թեթև արդյունաբերության տեխնոլոգիա» ամբիոնի վարիչ:

1978թ. դեկտեմբերին ընտրվել է  տեխնոլոգիական ֆակուլտետի դեկանի պաշտոնում:

1995թ. նոյեմբերի ընտրությունների արդյունքում նշանակվել է ՀՊՃՀ Գյումրու կրթահամալիրի մասնագիտական պատրաստականության դեպարտամենտի վարիչ:

1996թ. նշանակվել է ՀՊՃՀ Գյումրու կրթահամալիրի փոխտնօրեն՝ ուսումնական աշխատանքների գծով:

1999թ. հունիսից կատարել է ՀՊՃՀ Գյումրու կրթահամալիրի տնօրենի պարտականությունները:

2000թ. ընտրվել է ՀՊՃՀ Գյումրու կրթահամալիրի տնօրեն:

2003թ. ապրիլին ՀՊՃՀ-ում կատարված վերափոխումների պատճառով վերընտրվել է ՀՊՃՀ կրթահամալիրի տնօրենի պաշտոնում:

2009թ. մրցույթով անցնելու կապակցությամբ նորից ընտրվել է մասնաճյուղի տնօրեն:

2012թ. փետրվարին դադարեցվել են  տնօրենի  պարտականությունները, կենսաթոշակի անցնելու պատճառով:

2012թ.աշխատում է ՀՊՃՀ-ում, որպես Տեքստիլ ճարտարագիտության ամբիոնի դոցենտ, տնօրենի խորհրդական:

Աշխատանքային գործունեության ընթացքում մասնակցել է ԲՈՒՀ-ի հասարակական, ուսումնամեթոդական և գիտահետազոտական աշխատանքներին:

50-գիտական և մեթոդական աշխատանքների հեղինակ է, որոնք հրատարակվել են հանրապետությունում և արտերկրում:

2009թ. իր հեղինակությամբ հրատարակվել է դասագիրք «Տեքստիլ արտադրանքի և տեխնոլոգիական գործընթացների որակի վերահսկման և կառավարման ավտոմատ համակարգեր» վերնագրով:

Բազմիցս մասնակցել է գիտաժողովներին Մոսկվայում,Վիտեբսկում, Լենինգրադում, Քութաիսիում, Երևանում և Գյումրիում:

1983-1988թթ. հանդիսացել է ՍՍՀՄ ԲԿ տեքստիլ և թեթև արդյունաբերության և կենցաղային սպասարկման ԲՈՒՀ-երի կոորդինացնող մեթոդակսն խորհրդի անդամ:

Մասնակցել է նոր մասնագիտությունների ուսումնական պլանների և առարկայական ծրագրերի կազմմանը:

Հայաստանի Ճարտարագիտության ակադեմիայի թղթակից անդամ է, պրոֆեսոր:

2002թ.նոյեմբեր ամսին անցել է վերապատրաստման դասընթացներ Tempus Tacis ծրագրի շրջանակներում, Շեդիայի Լունդի համալսարանում:

2004թ. սեպտեմբեր-հոկտեմբեր ամիսներին մասնակցել է նույն ծրագրի սեմինար պարապմունքներին, Գրենոբլի /Ֆրանսիա/ Pierre Mendes համալսարանում:

1983թ. արժանացել է  ԵՐՊԻ 50-ամյակի առթիվ հոբելյանական մեդալի:

1983թ. երկարատև և բարեխիղճ աշխատանքի համար և ԵՐՊԻ 50-ամյակի կապակցությամբ պարգևատրվել է հոբելյանական կրծքանշանով «50 лет ЕРПИ»:

1984թ. արժանացել է Հայկական ՍՍՀ Գերագույն խորհրդի պատվոգրի:

2003թ. ստացել է ՀՀ նախագահի շնորհակալագիր:

2006թ. ստացել է ՀՀ Կ և Գ նախարարության ոսկե մեդալ:

2009թ. մասնաճյուղի 50-ամյակի կապակցությամբ պարգևատրվել է ՀՀ Վարչապետի ոսկե մեդալով:

2019թ. պարգրատրվել է Գյումրու Համանքի ղեկավարի հուշամեդալով:

Աշխատանքի ընթացքում ստացել է բազմաթիվ գովասանագրեր և շնորհակալագրեր:

Ամուսնացած է, ունի երկու դուստր: